1. Êrîşên çeteyên DAIŞ'ê bi armanca dagirkirina Kobanê di roja 117'an de dewam dike.

Komên çeteyan ku li hember şervanên me yên YPG/YPJ her roj hinek din paşdikevin, bi piştgiriya çek û hêzên takwiye hewldidin êrîşên nû lidarbixin û xwe di nava bajer de bigrin.

Çeteyan hewldan Mekteba Reş û qaşên Miştenur cihên ku ji aliye hêzên me ve ji çeteyan hatiye paqijkirin de êrîşek li darbixin, lê ew êrîşê çeteyan hatiye paşxistin. Pevçunên ku doh dane sibe destpêkir û heta seatên şeve bênavber berdewam kir de çeteyan windahiyên giran dan.

Kuştî û birîndarên çeteyan a li herêma Mekteba Reş nehatiye zelalkirin. Lê di vê herême de hêzên me tevî termekî çeteyan dest danîn li ser çekek kleş û roketavêjek B7.

Di pevçunên qaşên Miştenur de 25 kuştiya çeteyan hatiye tespîtkirin. Hêzên me tevî 5 termên çeteyan dest danîn li ser 5 kleş, 21 şarjora kleş û 840 fîşeka kleş, 1 roketavêja B7 û 2 gulleya roketavêja B7, 3 raxt, 15 bombeya destan, 1 bêtel û 1 maskeya gazê.

2. Şervanên me yên YPG/YPJ şeve din li gundê Alya ye dikeve başûr û navçeya Rawya ya dikeve başûrrojavayê Serêkaniyê li hember komên çeteyan çalakiyan lidarxistin. Êrîşa li hember noqteyên çeteyan a li nizikî navçeya Rawya de wesaîtek a çeteyan hatiye derb kirin. Di vê qadê de 2 kuştiya çeteyan hatiye tespît kirin.

Çalakiya ku li hember komek çete a li nizikî gundê Alya di nava tevger de bûn de wesaîtek leşkerî hatiye derbkirin. Kuştî û birîndarên çeteyan a di vê çalakî de nehatiye zelalkirin.

3. Şeve din li nizikî gunde Xerîte ya dikeve navbera Haseke û Til Temir, di navbera hêzên me û komên çeteyan de pevçunek hatiye jiyankirin. Pevçunên ku piştî destwerdena şervanên me yên YPG/YPJ li hember komek çete yên ku amedekariya êrîşê dikirin de hejmara kuştî û birîndarên çeteyan nehatiye zelalkirin. Komên çeteyan piştî pevçun neçar man ji qade birevin.

Navenda Ragihandina YPG

10'ê Çile 2015